My Freighter ilk bor Nayrobi xalqaro aeroportiga parvoz qildi

My Freighter aviakompaniyasi o‘z tarixida birinchi bor Keniya poytaxti Nayrobidagi Jomo Kenyatta xalqaro aeroportiga (NBO) muvaffaqiyatli yuk reysini amalga oshirdi. Ushbu yo‘nalish Sharqiy Afrika va O‘zbekiston o‘rtasida muntazam yuk tashish bo‘yicha yangi logistika imkoniyatlarini ochmoqda.

Yo‘nalishlarni rivojlantirish doirasida haftasiga ikki marotaba reyslar amalga oshirilishi rejalashtirilgan. Parvozlar asosan tez buziluvchi mahsulotlarni tashishga mo‘ljallangan, jumladan:

• yangi uzilgan gullar,

• dengiz mahsulotlari,

• meva va sabzavotlar

— to‘g‘ridan-to‘g‘ri Keniyadan O‘zbekistonga va undan Markaziy Osiyoga yetkaziladi.

“Yuqori eksport salohiyatiga ega yangi Afrika yo‘nalishini ochganimizdan mamnunmiz. Keniya – yangi mahsulotlar uchun chegaradosh logistika nuqtai nazaridan strategik muhim yo‘nalishdir”, – deya qayd etdi My Freighter matbuot xizmati.

Zamonaviy keng fyuzelyajli yuk samolyotlari parki yordamida My Freighter xalqaro darajada tezkor yetkazib berish uchun moslashuvchan va ishonchli yechimlarni taklif qilmoqda.