My Freighter va Air Cargo APAC Shanxaydan Amsterdamga muntazam reyslarni yo‘lga qo‘ydi

Yo‘nalish Xitoyning eng yirik ishlab chiqarish va eksport markazini strategik joylashuvga ega Toshkent orqali Yevropaning eng muhim yuk xablaridan biri bilan bog‘lovchi aqlli logistik yechim sifatida ishlab chiqilgan. Ushbu reys tufayli My Freighter va Air Cargo APAC mintaqadagi Dubay va Istanbul kabi ortiqcha yuklangan markazlarga samarali muqobil taklifni ilgari suradi.

Toshkent O‘zbekiston poytaxtini xalqaro xab sifatida rivojlantirish strategiyasi doirasida muhim tranzit tuguniga aylanmoqda va quyidagilarni taqdim etadi:

• tezkor yer usti xendling xizmati;

• faqat Amsterdam emas, balki bevosita Toshkent va MDH davlatlariga yetkazib berish imkoniyati;

• shoshilinch, yirik hajmli va xavfli yuklar, shu jumladan litiy batareyalari va elektron komponentlarni tashish qulayliklari.

Ustuvor yuk turlari orasida — avtomobil qismlari, yuqori texnologiyali mahsulotlar, yarimo‘tkazgichlar, elektron tijorat mahsulotlari va shoshilinch jo‘natmalar mavjud.

JST prognozlariga ko‘ra, 2025-yilda Xitoydan Yevropaga eksport AQSh bozoridan savdo oqimlari yo‘nalishini o‘zgartirishi natijasida 6% ga oʻsadi. My Freighterʼning yangi yo‘nalishi esa Xitoy va Yevropa Ittifoqi o‘rtasida ishonchli va tezkor yuk tashish yechimlariga ortib borayotgan talabga javob beradi.

Yangi yo‘nalish yoʻlga qoʻyilgani munosabati bilan My Freighter va Air Cargo APAC Shanxayda yirik tadbir o‘tkazdi, unda Xitoyning yetakchi hamkorlari va agentlari ishtirok etdi. Tadbir doirasida yo‘nalishning rasmiy taqdimoti bo‘lib o‘tdi va kelgusidagi hamkorlik bo‘yicha muzokaralar olib borildi.

Matbuot uchun kontaktlar

My Freighter

Air Cargo APAC (ACN group) — e.baranova@aircargonetwork.com

Reyslarni bron qilish uchun kontaktlar:

Toshkentdagi ofis: cargo@centrum-air.com

YeI hududidagi sotuvlar: sb@avialink.nl

Xitoy hududidagi sotuvlar: sales@aircargoapac.com