Parkimizdagi 10-samolyotni kutib olamiz: Boeing 767 «Abdulla Qodiriy»
17 Aprel 2026
Jo'natmoq
17-aprel kuni O‘zbekistonning My Freighter xususiy yuk aviakompaniyasi floti yangi Boeing 767 havo kemasi bilan boyidi. Bu parkdagi 10-samolyot bo‘ldi.
Aprel oyida yetib kelgan yangi havo kemasiga o‘zbek xalqining buyuk siymosi – tavallud ayyomi aynan shu oyga to‘g‘ri keladigan Abdulla Qodiriy nomi berildi. Shu tariqa kompaniya havo kemalariga O‘zbekistonning taniqli tarixiy shaxslari nomini berish an’anasini ramziy ma’noda davom ettirmoqda.
Abdulla Qodiriy – zamonaviy o‘zbek adabiyoti asoschilaridan biri, yozuvchi, dramaturg va jamoat arbobi. U o‘zbek adabiyoti klassikasi hisoblangan "O‘tkan kunlar" va "Mehrobdan chayon" romanlari bilan shuhrat qozongan.
Qodiriy o‘z asarlarida milliy o‘zlik, ma’rifat va ijtimoiy rivojlanish masalalariga alohida e’tibor qaratib, mamlakat madaniy tarixida o‘chmas iz qoldirgan.
Eslatib o‘tamiz, Centrum Air mazkur tashabbusni 9-aprel – buyuk sarkarda Amir Temur tavallud topgan kunda ilk samolyotga uning nomini berish bilan boshlagan edi.Bort raqami UK67022 bo‘lgan yangi Boeing 767 ishga tushirilishi bilan aviakompaniyalarning umumiy parki 26 ta samolyotga yetdi.
