My Freighter Icelandair Cargo bilan interlayn shartnomasi orqali yuk tashish geografiyasini kengaytirmoqda

My Freighter aviakompaniyasi Icelandair Cargo bilan Markaziy Osiyo, Yevropa va Shimoliy Amerika oʻrtasida yuk tashish imkoniyatlarini kengaytirishga xizmat qiluvchi interlayn shartnomasini imzoladi.

Icelandair Cargo bilan tuzilgan sheriklik orqali My Freighter mijozlari quyidagi keng spektrli Shimoliy Amerika yoʻnalishlariga kirish imkoniga ega boʻladilar: Nyu-York (JFK), Vashington (IAD), Orlando (MCO), Minneapolis (MSP), Toronto (YYZ).

Yoʻnalishlarning bunday kengayishi, ayniqsa elektron tijorat, farmatsevtika va tez buziladigan mahsulotlar segmentlarida My Freighter mijozlari uchun yuk yetkazib berish imkoniyatlarini sezilarli darajada oshiradi.

Icelandair Cargo zamonaviy yuk samolyotlaridan, xususan Boeing 767-300BCF, shuningdek, Icelandair yoʻlovchi samolyotlarining yuk boʻlimlaridan samarali foydalanadi. Ushbu moslashuvchan model ichki va xalqaro yoʻnalishlarda yuqori ishonchlilik va o‘z vaqtida yetkazib berishni ta’minlaydi.

Tuzilgan interlayn-shartnoma My Freighter kompaniyasining xalqaro yuk tashish bozoridagi mavqeini mustahkamlash strategiyasining bir qismidir. 2025-yilda kompaniya Air Europa va Aeromexico bilan ham xuddi shunday kelishuvlarga erishgan va bu orqali Lotin Amerikasi hamda Shimoliy Amerikadagi ishtirokini kengaytirgan edi.